મુખ્ય સમાચાર પર જાઓ
ટ્રેન્ડિંગ
ભચાઉમાં દેશી દારૂની ભઠ્ઠીનો પર્દાફાશ, ૯૦૦ લીટર આથો ઝડપાયો વોંધ ગામે ઘરમાંથી વ્યક્તિનો ફાંસો ખાધેલી હાલતમાં મૃતદેહ મળ્યો  મીઠી રોહર પાસે આઈસર શો-રૂમમાં ટ્રેલરના ઘોડામાં શોર્ટ સર્કિટથી આગ મહાદેવ સટ્ટાકાંડનો રેલો કચ્છ સુધી પહોંચ્યોઃ શું કચ્છના  મોટા બુકીઓ તપાસ એજન્સીઓના સકંજામાં આવશે? વિશ્વપ્રસિદ્ધ ધોળાવીરાના ગેરકાયદેસર રિસોર્ટ્‌સમાં ફાયર સેફ્ટીના નિયમોની ઐસીતૈસી  પ્રવાસીઓની કચ્છની મુલાકાત વધુ યાદગાર બને એ જ પ્રાથમિકતા : અનિલ રાણાવસિયા કચ્છમાં જીએમડીસી નીતિ-નિયમોમાં સુધારા કરી સ્થાનિક ટ્રાન્સપોર્ટરોને રાહત આપે  ઝારખંડમાં ગંભીર અકસ્માતનો ભોગ બનેલા કચ્છી યુવાન દર્શન ચાંદ્રાને સારવાર માટે સુરત ખસેડાયો  સ્થાનિક સ્વરાજ્યની ચૂંટણીઓમાં ત્રણ બાળકોનો કાયદો રદ્દ કરો  તહેવારોમાં રેલવેની આવકે વટાવ્યો રૂા.૧૦૮ કરોડનો આંકડો કચ્છ જિલ્લાની તમામ અદાલતોમાં ૨૧મીએ યોજાશે ખાસ લોક અદાલત આડેસર પીઆઇ બી.વી બોરીસાગર નો વધુ એક સપાટો :  ફુલપરાવાંઢની સીમમાંથી વિદેશી દારૂનો મોટો જથ્થો ઝડપાયો
શિક્ષણ સમાચાર

નવરાત્રિ બાદ હવે કચ્છની શાળાઓમાં પરીક્ષાની ઘડીઓ

21 October

આવતીકાલથી ધો. ૩થી ૧૨ની સત્રાંત કસોટી શરૂ, ૨૬મીએ જ્ઞાન સહાયકોને શાળાની ફાળવણી

ભુજ-કચ્છઉદય : કચ્છમાં નવરાત્રિની રોનક ઓસરતાં જ વિદ્યાર્થીઓ હવે પરીક્ષાની તૈયારીમાં લાગી ગયા છે. ગુરુવાર, ૨૨ ઓક્ટોબરથી ધોરણ ૩થી ૧૨ના વિદ્યાર્થીઓની પ્રથમ સત્રાંત પરીક્ષાઓ શરૂ થવાની છે. ધોરણ ૧ અને ૨માં વિભાગીય નિયમો અનુસાર પરીક્ષા યોજાતી નથી.
ધોરણ ૩થી ૮ની પરીક્ષાઓ ૩૦ ઓક્ટોબર સુધી ચાલશે. ધોરણ ૩થી ૫ના વિદ્યાર્થીઓ માટે સવારે ૧૧થી બપોરે ૧ વાગ્યા સુધી ૪૦ ગુણની કસોટી લેવાશે. જ્યારે ધોરણ ૬થી ૮ના વિદ્યાર્થીઓએ બપોરે ૨થી ૫ દરમિયાન ૮૦ ગુણની પરીક્ષા આપવાની રહેશે. પરીક્ષાનો તબક્કો પૂરો થયા પછી પરિણામ તૈયાર કરવાની કામગીરી કરવામાં આવશે.
કચ્છની પ્રાથમિક શાળાઓમાં શિક્ષકોની અછતનો પ્રશ્ન યથાવત્‌ છે. આ સ્થિતિમાં અભ્યાસકાર્યને અસર ન થાય તે માટે પ્રથમ સત્રનો અભ્યાસક્રમ પૂર્ણ કરાવવામાં આવ્યો છે. ખાલી જગ્યાઓ ભરવા ગુજરાતી માધ્યમના પ્રાથમિક જ્ઞાન સહાયકોની કરાર આધારિત નિમણૂક માટે ત્રીજા તબક્કાની કામગીરી ચાલી રહી છે.
આ ભરતી માટે ૨૨ ઓક્ટોબર સુધી અરજી કરી શકાશે. ૨૪મીએ ગુણવત્તા યાદી જાહેર થયા બાદ ૨૬ ઓક્ટોબરે ભુજ સ્થિત જિલ્લા પ્રાથમિક શિક્ષણ કચેરીમાં ઉમેદવારોનાં દસ્તાવેજોની ખરાઈ અને શાળા પસંદગીની પ્રક્રિયા હાથ ધરાશે. ત્યારબાદ લાયક ઉમેદવારોને શાળાઓ ફાળવવામાં આવશે.
.......

ટિપ્પણીઓ